அக்னிப்புரட்சி இன்றைய (25.11.2022) முக்கிய செய்திகள்.

அக்னிப்புரட்சி இன்றைய (25.11.2022) முக்கிய செய்திகள்.

* பிரேசில் மந்திர கோல்!

கால்பந்து தொடரை வெற்றியுடன் தொடங்கியது பிரேசில்!

2-0 என்ற கோல் கணக்கில் செர்பியாவை வீழ்த்தி வாகை சூடியது.

பிரேசிலின் ரிச்சார்லீசன் அடித்த கோல் பிரமிப்பாக இருக்கிறது…

* 28.11.2022 அன்று நடைபெறவுள்ள பட்டதாரி ஆசிரியர்களுக்கான பணிநிரவல் கலந்தாய்வு (BT Deployment Counselling) மட்டும் நிர்வாக காரணங்களுக்காக ஒத்திவைப்பு.

இக்கலந்தாய்வு டிசம்பர் 9ம் தேதி அன்று நடைபெறும்- பள்ளிக்கல்வி ஆணையர்.

முதுகலை ஆசிரியர்களுக்கான பணிநிரவல் கலந்தாய்வு (PG Deployment Counselling) திட்டமிட்டபடி நவம்பர் 29ம் தேதி நடைபெறும்.

* ஒருங்கிணைந்த பொறியியல் பணிகளில் அடங்கிய பதவிக்கான தேர்வு முடிவு குறித்த போலியான பட்டியல் சமூக வலைதளத்தில் பரவுகிறது.

தேர்வு முடிவுகள் குறித்த போலியான பட்டியலை விண்ணப்பதாரர்கள் கருத்தில் கொள்ள வேண்டாம் – டிஎன்பிஎஸ்சி.

தேர்வாணையத்தின் அனைத்து தேர்வு முடிவுகளும் தேர்வணைய இணையதளத்தில் மட்மே வெளியிடப்படும் – டிஎன்பிஎஸ்சி.

இதுபோன்ற பொய்யான தகவல்களை பரப்புவோர்களின் மீது கடுமையான சட்ட ரீதியான நடவடிக்கை எடுக்கப்படும்- டிஎன்பிஎஸ்சி.

* கோகுல்ராஜ் கொலை வழக்கில் பிறழ் சாட்சியாக மாறிய சுவாதியை உயர்நீதிமன்ற கிளையில் ஆஜர்படுத்தியது போலீஸ்.

போதிய பாதுகாப்பை சுவாதிக்கும், அவரது குடும்பத்தினருக்கும் வழங்க வேண்டும் என நீதிமன்றம் உத்தரவு.

கோகுல்ராஜ் கொலை வழக்கில் உயர்நீதிமன்ற கிளையில் சுவாதி பரபரப்பு சாட்சியம்.

புத்தகம் மற்றும் குழந்தைகள் மீதும் சத்தியம் வாங்கிய பின் சுவாதியிடம் நீதிபதிகள் விசாரணை.

வழக்கு தொடர்பான வீடியோவை மீண்டும் மீண்டும் போட்டுக்காட்டி நீதிபதிகள் கேள்வி.

வீடியோவில் வருவது நான் தானா என ஞாபகம் இல்லை – சுவாதி

உங்களையே உங்களுக்கு தெரியவில்லையா என நீதிபதிகள் கேள்வி.

* 6 பேர் விடுதலை விவகாரத்திலேயே ஆளுநர் ஆர்.என்.ரவி ராஜினாமா செய்திருக்க வேண்டும்.

தற்போது ஆன்லைன் ரம்மி விவகாரத்தில் கால தாமதாமாக விளக்கம் கேட்டிருக்கிறார் ஆளுநர்.

இந்த அரசுக்கு போட்டி அரசாங்கத்தை ஆளுநர் நடத்திவருகிறார்- சிபிஐ மாநில செயலாளர் முத்தரசன்.

* குற்றங்களை தடுக்க உதவும் ஹேக்கர்களுக்கு ஒரு லட்சம் பரிசு அறிவித்தது சென்னை காவல்துறை.

சிசிடிவி குறைபாடுகளை நீக்கும் நோக்கில் ஹேக்கர்களுக்கு போட்டி அறிவிப்பு.

காவல்துறை சந்தித்து வரும் பிரச்சினைகளை தீர்க்கும் தொழில்நுட்ப வல்லுநர்களுக்கு பரிசு.

* பன்னாட்டு தொழில்நுட்ப ஜவுளி கருத்தரங்கு – முதல்வர் மு.க.ஸ்டாலின் காணொலி வாயிலாக பங்கேற்பு.

கரூர், திருப்பூர், காஞ்சிபுரத்தில் ஜவுளி ஏற்றுமதி மையங்கள் அமைக்கவும் நடவடிக்கை – முதலமைச்சர் மு.க.ஸ்டாலின்.

மாமல்லபுரத்தில் ரூ.30 கோடியில் கைத்தறி அருங்காட்சியகம் அமைக்க திட்டம்.

தமிழகத்தின் போட்டி இந்திய மாநிலங்களுக்கு இடையே மட்டும் இருக்க கூடாது.

ஜவுளி உற்பத்தியில் உலக நாடுகளுக்கு தமிழகம் போட்டியாக இருக்க வேண்டும்.

ஜவுளித்துறையில் அந்நிய முதலீடுகளை ஈர்ப்பதில் தமிழகம் 3வது இடம்.

அரசின் சீரிய முயற்சியால் தமிழகத்தில் தொழில் தொடங்க பன்னாட்டு நிறுவனங்கள் ஆர்வம்.

புதிய ஒருங்கிணைந்த ஜவுளி கொள்கைகள் உருவாக்கிட நடவடிக்கை  – முதலமைச்சர் மு.க.ஸ்டாலின்.

* ஆன்லைன் ரம்மி தடை சட்டம் தொடர்பாக ஆளுநர் அனுப்பிய சந்தேகங்களுக்கு விளக்கம் அளித்து தமிழ்நாடு அரசு கடிதம்.

கடந்த மாதம் 19ம் தேதி தமிழ்நாடு சட்டமன்றத்தில் ஆன்லைன் விளையாட்டுகளை தடை செய்யும் சட்ட மசோதா நிறைவேற்றப்பட்டது.

ஆளுநர் கேட்டிருந்த விளக்கங்களை தமிழ்நாடு அரசு அனுப்பியுள்ள நிலையில், மசோதாவுக்கு ஒப்புதல் தருவார் என எதிர்பார்ப்பு.

* கோகுல்ராஜ் கொலை வழக்கில் சாட்சி சுவாதி மீது நீதிமன்ற அவமதிப்பு வழக்கு.

உங்களது புகைப்படத்தையே உங்களுக்கு தெரியவில்லை என கூறுவதெல்லாம் ஏற்புடையதல்ல – நீதிபதி.

வாழ்க்கையில் முக்கியம் சத்தியமும், நியாயமும், தர்மமும்தான்; சாதி முக்கியமல்ல – நீதிபதிகள்.

தனக்கு தெரிந்ததையே கூறியதாக நீதிமன்றத்தில் சுவாதி கண்ணீர்.

யுவராஜ் யாரென்றே எனக்கு தெரியாது; வழக்கு தொடங்கிய பிறகே அவரை தெரியும் – சுவாதி.

* கோவைக்கு முதலமைச்சர் மு.க.ஸ்டாலின் எதுவும் செய்யவில்லை. திமுக அரசை கண்டித்து டிசம்பர் 2ம் தேதி உண்ணாவிரதப் போராட்டம் கோவையில் நடக்கும்.

எடப்பாடி பழனிச்சாமி போராட்டதை துவக்கி வைக்க வருகிறார்-முன்னாள் அமைச்சர் எஸ்.பி.வேலுமணி.

* கோகுல்ராஜ் கொலை வழக்கு – சத்தியம் என்றைக்கானாலும் சுடும் என பிறழ்சாட்சியான சுவாதியிடம் கூறிய நீதிபதிகள்.

சுவாதி வரும் 30ஆம் தேதி மீண்டும் ஆஜராக உயர்நீதிமன்ற மதுரை கிளை உத்தரவு.

அன்றைய தினமும் இதே நிலை தொடர்ந்தால், நீதிமன்ற அவமதிப்பு நடவடிக்கை எடுக்க நேரிடும் என நீதிபதிகள் எச்சரிக்கை

வீடியோவில் உங்களையே பார்த்து தெரியாது என்கிறீர்கள், எத்தனை நாட்கள் உண்மையை மறைக்க முடியும் – நீதிபதிகள்

* முதல் ஒருநாள் போட்டியில் நியூசிலாந்து வெற்றி.

இந்தியாவிக்கு எதிரான போட்டியில், 307 ரன்கள் இலக்காக கொண்டு விளையாடிய நியூசிலாந்து அணியின் டாம் லாதம் 145 ரன்கள் குவித்து அபாரம்; கேப்டன் வில்லியம்சன் 94 ரன்கள் எடுத்து அசத்தல்.

நியூசிலாந்து அணி 7 விக்கெட்டுகள் வித்தியாசத்தில் வெற்றி; 307 ரன்கள் இலக்கை 47.1 ஓவரில் எட்டி நியூசிலாந்து அணி அபார வெற்றி.

* ஜோதிடரை நம்பி நாக்கை இழந்த நபர்.

ஈரோடு: கோபி அருகே பாம்பு கடிப்பதுபோல அடிக்கடி கனவு வந்ததால், ஜோதிடரை நாடிய நபர்.

பரிகாரம் என ஜோதிடர் சொன்னதைக் கேட்டு பாம்புப்புற்று அருகே நாக்கை நீட்டி அந்நபர் நிற்க, திடீரென வெளிவந்த பாம்பு நாக்கில் கொத்தியது.

சிகிச்சையின் போது, விஷம் பரவலை தடுக்க நாக்கை அகற்றி, 4 நாட்கள் போராடி உயிரை காப்பாற்றியுள்ளனர் மருத்துவர்கள்.

* ஆவினில் வேலை வாங்கி தருவதாக ராஜேந்திர பாலாஜி மோசடி செய்ததாக தொடரப்பட்ட வழக்கு.

முன்னாள் அமைச்சர் ராஜேந்திர பாலாஜியின் இடைக்கால ஜாமீன் நீட்டிப்பு- உச்சநீதிமன்றம் உத்தரவு.

45 நாட்களில் குற்றப்பத்திரிகை தாக்கல் செய்ய தமிழக காவல்துறைக்கு உத்தரவு.

* ஏப்ரல் முதல் ஜூன் வரையிலான காலகட்டத்துக்கு ₹ 17,000 கோடி ஜிஎஸ்டி நிலுவைத்தொகை மாநிலங்களுக்கு விடுவிப்பு.

தமிழகத்துக்கு ₹ 1,188 கோடி நிலுவைத் தொகையை விடுவித்தது மத்திய அரசு.

2022-23 நிதியாண்டில் இதுவரை ₹ 1,15,662 கோடி ஜி.எஸ்டி நிலுவைத்தொகை மாநிலங்களுக்கு, மத்திய அரசு விடுவிப்பு.

* திமுக மாணவர் அணி தலைவராக ராஜீவ்காந்தி நியமனம்.

திமுக மாணவர் அணி செயலாளராக மீண்டும் எழிலரசன் எம்.எல்.ஏ. 2வது முறை நியமனம்

இணைச் செயலாளர்களாக ஜெரால்டு, மோகன் நியமனம் – திமுக பொதுச்செயலாளர் துரைமுருகன் அறிவிப்பு.

* கள்ளக்குறிச்சி மாணவி மரண வழக்கில், பள்ளி கட்டிடம் புலன் விசாரணைக்கு தேவைப்படுகிறதா?

நவ.30ம் தேதி அறிக்கை அளிக்க சிபிசிஐடி-க்கு சென்னை உயர் நீதிமன்றம் உத்தரவு.

புலன் விசாரணை எப்போது முடித்து, குற்றப்பத்திரிகை எப்போது தாக்கல் செய்யப்படும் எனவும் விளக்கமளிக்க சிபிசிஐடி-க்கு உத்தரவு

புலன் விசாரணை முழுமையாக முடிவடையாததால் சம்பந்தப்பட்ட ’ஏ’ பிளாக் கட்டிடம் விசாரணைக்கு தேவைப்படலாம் – சிபிசிஐடி

பள்ளியை திறக்கும் விஷயத்தில் நீதிமன்ற உத்தரவை செயல்படுத்துவதாக தமிழக அரசு விளக்கம்

பள்ளியை மீண்டும் திறக்க அனுமதிக்கும்படி உத்தரவிடக் கோரி பள்ளி நிர்வாகம் தாக்கல் செய்த வழக்கு நவ.30க்கு தள்ளிவைப்பு

* உலககோப்பை கால்பந்தை பயன்படுத்தி அரங்கேறும் புதிய மோசடி: பொதுமக்களே உஷார்!

Watch: https://youtu.be/QXwZg2_4G24

50 ஜிபி டேட்டா இலவசம் என்ற செய்தியை நம்பி…

* சென்னை பல்கலைக்கழகத்தில் பயின்ற எம்.எல். தனித் தேர்வுகளுக்கு அரியர் தேர்வு கால அட்டவணை வெளியிடப்பட்டுள்ளது.

டிசம்பரில் நடைபெறும் அரியர் தேர்வு கால அட்டவணையை www.unom.ac.in-ல் அறியலாம்.

* உலகக்கோப்பை கால்பந்து 2022 தொடரின் 17வது போட்டியில் குரூப் பி பிரிவில் வேல்ஸ் அணியும், ஈரான் அணியும் மோதின.

அல் ரய்யான் பகுதியில் உள்ள அகமது பின் அலி மைதானத்தில் நடைபெற்ற இப்போட்டியில் 2-0 என்ற கணக்கில் வேல்ஸ் அணியை ஈரான் அணி வீழ்த்தி வெற்றி பெற்றது.

* தங்கள் மின் இணைப்புக்கான பெயர் மாற்றம் செய்வதற்கான சிறப்பு முகாம்கள் விரைவில் நடைபெற இருக்கின்றன என்று செந்தில் பாலாஜி தெரிவித்தார்.

கோவை பீளமேடு பகுதியில் மின் துறை அமைச்சர் செந்தில் பாலாஜி செய்தியாளர்களுக்கு பேட்டி அளித்தார். அப்போது அவர் கூறியதாவது:- மின் கட்டண விவகாரத்தில் ஏதேனும் சந்தேகங்கள் இருந்தால் மின்சாரத்துறைய அணுகி தெளிவு பெற்றுக் கொள்ளலாம். அதிமுக, பாஜக போன்ற கட்சிகள் அரசு மீது அவதூறு பரப்ப வேண்டும் என்ற நோக்கில் தொடர்ந்து அவதூறு செய்திகளை பரப்பி வருகிறார்கள். ஆதார் எண் இல்லை என்றாலும் தற்போது கட்டணம் செலுத்தலாம். ஆதார் எண் கொடுப்பது நல்லது. மின் இணைப்பு பெற்றவர்கள் ஆதார் எண்ணை கண்டிப்பாக கொடுக்க வேண்டும். யார் பேரில் மின் இணைப்பு இருக்கிறதோ அந்த நபர் இறந்து இருக்கும் பட்சத்தில் அதற்கான அவகாசங்கள் கொடுக்கப்பட்டு இருக்கின்றன. சிறப்பு முகாம்கள் நடைபெற இருக்கின்றன. தங்கள் மின் இணைப்புக்கான பெயர் மாற்றம் செய்வதற்கான சிறப்பு முகாம்கள் விரைவில் நடைபெற இருக்கின்றன. ஆதார் எண் இணைப்பதற்கான கால அவகாசம் கொடுக்கப்பட்டு உள்ளது. கண்டிப்பாக 100 சதவீதம் ஆதார் எண்ணை இணைப்பது அவசியம். மின்சார துறையை சீர்திருத்தம் செய்யும் போது ஆதார் எண்ணை இணைத்தால் தான் மின்சார வாரியத்தை புதிய பரிணாமத்தோடு மேம்படுத்த முடியும்’ என்றார்.

ஆதாரை இணைப்பது எப்படி? Watch: https://youtu.be/RM2QmmA8zlA

* மத்திய பட்ஜெட்: மாநில அரசுகளின் கருத்துகளை கேட்ட மத்திய நிதியமைச்சர்

புதுடில்லி: மத்திய பட்ஜெட்டுக்கு முந்தைய ஆலோசனை கூட்டம் மத்திய நிதியமைச்சர் நிர்மலா சீதாராமன் தலைமையில் நடந்தது.

இந்த கூட்டத்தில் அனைத்து மாநில மற்றும் யூனியன் பிரதேச நிதியமைச்சர்கள் கலந்து கொண்டனர். இதில், மாநில அரசுகளின் கருத்துகளை நிர்மலா சீதாராமன் கேட்டறிந்தார். 2023-24ம் நிதியாண்டிற்கான மத்திய பட்ஜெட் பிப்.,1 அன்று தாக்கல் செய்யப்படக்கூடும். இதற்கான பணிகள் கடந்த அக்.,10 ம் தேதி துவங்கிவிட்டது. பொருளாதார நிபுணர்கள், தொழில்துறையினர், விவசாயத்துறையினர், உணவுபதப்படுத்தும் தொழில் துறை என பல்வேறு அமைப்பினருடன் மத்திய நிதியமைச்சர் நிர்மலா சீதாராமன் தொடர்ந்து ஆலோசனை நடத்தி வருகிறார்.

இதற்கான முதல் கூட்டம் கடந்த திங்கட்கிழமை அன்று துவங்கியது.
இந்நிலையில், இந்த பட்ஜெட்டுக்கு முந்தைய ஆலோசனை கூட்டம் டில்லியில் நடந்தது. நிர்மலா சீதாராமன் தலைமையில் நடந்த இந்த கூட்டத்தில் மத்திய நிதித்துறை இணையமைச்சர்கள் பங்கஜ் சவுத்ரி, பக்வத் காரத், நிதித்துறை செயலாளர், தலைமை பொருளாதார ஆலோசகர் ஆனந்த நாகேஸ்வரன் உள்ளிட்டோரும் பங்கேற்ற இந்த கூட்டத்தில், தமிழக நிதியமைச்சர் தியாகராஜன் உள்ளிட்ட பல்வேறு மாநிலங்கள் மற்றும் யூனியன் பிரதேச நிதியமைச்சர்கள் கலந்து கொண்டனர்.

இந்த கூட்டத்தின் போது, பட்ஜெட் குறித்து மாநில அரசுகளின் கருத்துகளை நிர்மலா சீதாராமன் கேட்டறிந்தார்.

* ரூ.500 பல்புக்கு ரூ.5000 பில் போட்டவர் எடப்பாடி’ – அமைச்சர் பெரிய கருப்பன் பதிலடி

“நம்ம ஊரு சூப்பர்” இயக்க விளம்பர பேர் விவகாரத்தில் எதிர்க்கட்சி தலைவர் எடப்பாடி பழனிச்சாமி கூறும் குற்றச்சாட்டில், எள் முனை அளவு கூட உண்மை இல்லை என அமைச்சர் கே.ஆர். பெரிய கருப்பன் மறுப்பு தெரிவித்துள்ளார்.

“நம்ம ஊரு சூப்பர்” இயக்க விளம்பர பேனர் தொடர்பாக எதிர்க்கட்சி தலைவர் இ.பி.எஸ். கூறிய புகாரையடுத்து அமைச்சர் கே.ஆர். பெரிய கருப்பன் செய்தியாளர்களை சந்தித்தார். அப்போது பேசிய அவர், “ஒரு பேனருக்கு ரூ.7,906 செலவு என கூறுவது முற்றிலும் தவறு. ஒரு பேனருக்கு ரூ.611 மட்டுமே செலவு செய்யப்பட்டது. ஒரே ஒரு தனியார் நிறுவனத்திற்கு பேனர் அச்சிட ஆணை வழங்கப்பட்டதாக கூறுவது தவறு. விளம்பர பேனர் அச்சிடும் பணிகளில் எந்த ஒரு தனியார் நிறுவனமும் ஈடுபடுத்தப்படவில்லை.

தூய்மை இயக்கத்தை மக்களிடம் கொண்டு போய் சேர்க்கவே விளம்பரம். அ.தி.மு.க. ஆட்சியில் தான் பேனர்களில் ஊழல் செய்துள்ளனர். ரூ.500 பல்பிற்கு ரூ. 5,000 என பில் போட்டது எடப்பாடி பழனிசாமி அரசு. ஊழல் செய்வதையே முழு நேரமாக செய்து வந்தவர்கள் அவர்கள். மாநில அரசு பெறவேண்டிய நிதிகளை பெற முடியாமல் கேடு விளைவித்த ஆட்சிதான் எடப்பாடி பழனிசாமி ஆட்சி. “கமிஷன் கரப்ஷன் கலெக்ஷன்” என எங்கள் தலைவர் ஸ்டாலின் சொன்ன வார்த்தைகளை இவர் பயன்படுத்துகிறார். எடப்பாடிக்கு சொந்தமாக வார்த்தைகள் கூட பயன்படுத்த தெரியாதா..?

ஊரக வளர்ச்சி துறை மீது எடப்பாடி குற்றச்சாட்டு முன்வைத்த போது அருகில் இருந்த எஸ்.பி. வேலுமணிக்கு முகம் அவ்வப்போது சுருங்கி சுருங்கி விரிந்தது. எடப்பாடி நம்மைத்தான் சொல்கிறாரோ என வேலுமணிக்கு மனதில் உறுத்தி இருக்கும்” இவ்வாறு அவர் தெரிவித்தார்.

* மேற்கு வங்க அரசியலில் பரபரப்பு – முதலமைச்சர் மம்தா பாணர்ஜி உடன் எதிர்க்கட்சித் தலைவர் சுவெந்து அதிகாரி திடீர் சந்திப்பு

2021 பொதுத்தேர்தலில் மம்தா பாணர்ஜியை எதிர்த்து நந்திகிராம் தொகுதியில் போட்டியிட்டது தனிப்பட்ட மோதல் காரணமாக அல்ல என சந்திப்புக்கு பின்னர் பேட்டி.

* தமிழ்நாட்டில் அமைந்துள்ள தொழில் நிறுவனங்களில் தமிழ்நாட்டவருக்கே முன்னுரிமை

கிருஷ்ணகிரியில் அமையும் டாடா எலெக்ட்ரானிக்ஸ் ஆலையில் 80% தமிழ்நாட்டவரை நியமிக்க அந்நிறுவனம் உறுதி அளித்துள்ளது – அமைச்சர் தங்கம் தென்னரசு

* டெல்லி அரசுப் பள்ளிகளில் வகுப்பறை கட்டியதில் ரூ.1,300 கோடி ஊழல்? விஜிலென்ஸ் இயக்குநரகம் அறிக்கை சமர்பிப்பு

புதுடெல்லி: டெல்லி அரசுப் பள்ளிகளில் வகுப்பறைகள் கட்டியதில் ரூ. 1,300 கோடி ஊழல் நடந்துள்ளதாகவும், சிறப்பு ஏஜென்சி மூலம் விரிவான விசாரணை நடத்த வேண்டும் என்று, தலைமை செயலாளரிடம் விஜிலென்ஸ் இயக்குநரகம் அறிக்கை சமர்பித்துள்ளது. டெல்லி முதல்வர் அரவிந்த் கெஜ்ரிவால் தலைமையிலான அரசு, கடந்த 2015ல்  193 பள்ளிகளில் 2,405 ஸ்மார்ட் வகுப்பறைகள் கட்டும் பணியை  பொதுப்பணித்துறையிடம் ஒப்படைத்தது.

மேற்கண்ட 2,405 வகுப்பறைகளைக் கட்டியதில் ஊழல் நடந்ததாக புகார் எழுந்ததால், சிறப்பு ஏஜென்சி மூலம் விரிவான விசாரணை நடத்த வேண்டும் என்று டெல்லி அரசின் விஜிலென்ஸ் இயக்குநரகம் (டிஓவி), தலைமைச் செயலரிடம் அறிக்கை சமர்பித்துள்ளது. இதுகுறித்து  விஜிலென்ஸ் இயக்குநரக வட்டாரங்கள் கூறுகையில், ‘மத்திய கண்காணிப்பு ஆணையத்தின் பரிந்துரை அடிப்படையில் டெல்லி அரசால் கட்டப்பட்ட பள்ளிகளில் 1,300 கோடி ரூபாய் அளவிற்கு ஊழல் நடந்துள்ளதாக கூறப்பட்டுள்ளது.

TELEGRAM: t.me/Agnipuratchi1

இவ்விவகாரத்தில் கடந்த 2020ம் ஆண்டு தனது கருத்துகளை தெரிவிக்குமாறு மத்திய கண்காணிப்பு ஆணையம்,  விஜிலென்ஸ் இயக்குநரகத்திற்கு அறிக்கை அனுப்பியது. ஆனால் முதல்வர் அலுவலகம் உரிய பதிலை அளிக்கவில்லை. டெண்டர் நடைமுறைகள் சரியாக பின்பற்றப்படவில்லை; விதிகள் மீறப்பட்டுள்ளதாக அந்த அறிக்கையில் கூறப்பட்டிருந்தது. எனவே தற்போது டெல்லி அரசின் விஜிலென்ஸ் இயக்குநரகம், தலைமைச் செயலரிடம் அறிக்கை சமர்பித்துள்ளது’ என்று அந்த வட்டாரங்கள் தெரிவித்தன.

* திருப்பத்தூர் நகர பாஜக செயலாளர் கொலை: கேரளா, ஆந்திராவை சேர்ந்த 6 பேர் கைது

கிருஷ்ணகிரி/திருப்பத்தூர்: திருப்பத்தூர் நகர பாஜக பிரமுகர் கொலை செய்யப்பட்டு ஊத்தங்கரை அருகே உடல் வீசப்பட்ட சம்பவம் தொடர்பாக கேரளா, ஆந்திராவை சேர்ந்த 6 பேரை போலீஸார் கைது செய்தனர்.

திருப்பத்தூர் அண்ணா நகரைச் சேர்ந்தவர் கலிகண்ணன் (52). திருப்பத்தூர் நகர பாஜக செயலாளர். மேலும், குடிநீர் கேன் விநியோகம், ரியல் எஸ்டேட் மற்றும் நிதி நிறுவன தொழில்களிலும் ஈடுபட்டு வந்தார். இந்நிலையில் நேற்று காலை கிருஷ்ணகிரி மாவட்டம் ஊத்தங்கரை அருகே வெப்பாலம்பட்டி பகுதியில் வேலூர்-சேலம் தேசிய நெடுஞ்சாலையை ஒட்டிய ஏரிக்கரை பகுதியில் கொலை செய்யப்பட்ட நிலையில் இவரது சடலம் கிடந்துள்ளது.

தகவல் அறிந்த ஊத்தங்கரை டிஎஸ்பி அமலா அட்வின் தலைமையிலான போலீஸார் சடலத்தை மீட்டு விசாரணை மேற்கொண்டனர். மேலும், கிருஷ்ணகிரி எஸ்பி சரோஜ் குமார் தாகூர் சம்பவ இடத்துக்கு சென்று விசாரணை நடத்தினார். சம்பவம் தொடர்பாக ஊத்தங்கரை போலீஸார் கொலை வழக்குப் பதிவு செய்து விசாரித்து வருகின்றனர்.

இதுதொடர்பாக திருப்பத்தூர் மாவட்ட போலீஸார் மேற்கொண்ட விசாரணையில், திருப்பத்தூர் டவுன் செட்டித்தெரு பகுதியில் கலிகண்ணன் நேற்று முன்தினம் இரவு நின்றிருந்ததும், அப்போது காரில் வந்த 4 பேர் அவரை அழைத்துச் சென்றதும் தெரிய வந்துள்ளது. எனவே, அவரை கடத்திச் சென்று கொலை செய்து உடலை வீசியிருக்கலாம் என போலீஸார் சந்தேகிக்கின்றனர்.

கொலை மிரட்டல்: விசாரணையில், கடந்த 3 மாதங்களுக்கு முன்பு மர்ம நபர்கள் கலிகண்ணனுக்கு செல்போன் மூலம் கொலை மிரட்டல் விடுத்துள்ளனர். இது தொடர்பாக பாஜக சார்பில் திருப்பத்தூர் நகர காவல் நிலையத்தில் புகார் அளிக்கப்பட்டுள்ளது குறிப்பிடத்தக்கது. இதனிடையே, ஊத்தங்கரை போலீஸார் மேற்கொண்ட துரிதமான விசாரணையைத் தொடர்ந்து ஆந்திரா, கேரளா மாநில கூலிப் படையினர் 6 பேர் கைது செய்யப்பட்டுள்ளனர்.

தொழில் போட்டியா? – திருப்பத்தூர் சேர்மன் ஆறுமுகம் தெருவைச் சேர்ந்த ஹரிவிக்னேஷ் (24) என்பவருக்கும் கலி கண்ணனுக்கும் இடையே ஏற்கெனவே தொழில் போட்டி இருந்துள்ளது. அதன் தொடர்ச்சியாக கலி கண்ணன் கொலை செய்யப்பட்டுள்ளதால், ஹரிவிக்னேஷின் செல்போன் நடமாட்டத்தை போலீஸார் கண்காணித்தனர்.

அப்போது அவர் கிருஷ்ணகிரி மாவட்டம் ஓசூர் பகுதியில் இருப்பது தெரிய வந்தது. ஓசூர்-தேன்கனிகோட்டை சாலையில் காரில் சென்று கொண்டிருந்த ஹரி விக்னேஷை போலீஸார் பிடித்தனர். காரில் அவருடன் 5 பேர் இருந்தனர்.

போலீஸார் தீவிர விசாரணை: அவர்களிடம் நடத்திய விசாரணையில் கலி கண்ணன் கொலையில் தொடர்பிருப்பது தெரியவந்தது. இதையடுத்து, ஹரி விக்னேஷ் உள்ளிட்ட 6 பேரையும் போலீஸார் கைது செய்தனர். அவர்களிடம் போலீஸார் தொடர்ந்து விசாரணை நடத்தி வருகின்றனர்.

* பொருளே வாங்கல பில் மெசேஜ் மட்டும் வருது”-புகாரின் பேரில் நியாயவிலை கடைகளுக்கு எச்சரிக்கை

நியாயவிலைக் கடைகளில், பொருட்கள் வாங்காமல் வாங்கியதாக குறுஞ்செய்தி பெறப்படுவதாகப் புகார் அளிக்கப்பட்ட நிலையில், போலி பில் போடும் நியாயவிலைக் கடை விற்பனையாளர்கள் மீது கடும் நடவடிக்கை எடுக்கப்படும் என கூட்டுறவுத்துறை எச்சரிக்கை விடுத்துள்ளது. தமிழ்நாட்டில் உள்ள அனைத்து நியாயவிலைக் கடைகளிலும் PO கருவிகள் நிறுவப்பெற்று Biometric முறை மூலம் கட்டுப்பாட்டுப் பொருட்களும் சிறப்புப் பொது விநியோகத் திட்ட பொருட்களும் வழங்கப்பட்டு வருகின்றன.

இந்த நிலையில், குடும்ப அட்டைதாரர்களுக்கு வழங்கப்படாத பொருட்கள் வழங்கப்பட்டதாக குறுஞ்செய்தி வருவதாக TN மக்கள் Portal எனும் இணையதளத்தில் புகார்கள் வரப்பெறுகின்றன. எனவே, வழங்கப்படாத பொருட்களுக்கு வழங்கப்பட்டதாக குறுந்தகவல் பெறப்பட்டதாக புகார்கள் வரப்பெற்றால் சம்பந்தப்பட்ட நியாயவிலைக் கடை விற்பனையாளர்கள் மீது கடுமையாக நடவடிக்கை எடுக்கப்படும் என மண்டல கட்டுப்பாட்டில் உள்ள நியாயவிலைக் கடை விற்பனையாளர்களுக்கு உத்தரவிடப்பட்டுள்ளது. மேலும் புகார்களில் குறிப்பிட்ட முறைகேடுகள் நிரூபிக்கப்பட்டால் அவர்கள் மீது உரிய ஒழுங்கு நடவடிக்கை மேற்கொண்டு கடுமையான தண்டனை வழங்கப்படும் என்றும், முறைகேடுகளை கண்காணிக்க தவறும் சம்பந்தப்பட்ட ஆய்வு அலுவலர்கள் மீதும் கடும் நடவடிக்கை மேற்கொள்ளப்படும் எனவும் கூட்டுறவுத்துறை எச்சரிக்கை விடுத்துள்ளது.

* திருவண்ணாமலை அண்ணாமலையார் கோயிலில், பிரசித்திபெற்ற கார்த்திகை தீபத்திருவிழா வரும் 27ம் தேதி கொடியேற்றத்துடன் கோலாகலமாக தொடங்குகிறது.

அன்று காலை 5.30 மணிக்கு மேல் 7 மணிக்குள், அண்ணாமலையார் சன்னதி எதிரில் அமைந்துள்ள தங்க கொடி மரத்தில் கொடியேற்றம் நடைபெறும். அதைத்தொடர்ந்து, அன்று காலை பஞ்சமூர்த்திகள் கண்ணாடி விமானங்களில் பவனியும், இரவில் அதிகார நந்தி வாகனத்தில் சுவாமி பவனியும் நடைபெறும். வரும் 28ம் தேதி 2ம் நாள் நாள் காலை உற்சவத்தில் தங்க சூரிய பிரபை வாகனத்தில் சந்திரசேகரரும், இரவு உற்சவத்தில் இந்திர விமானங்களில் பஞ்சமூர்த்திகளும் பவனி வருகின்றனர்.

வரும் 29ம் தேதி 3ம் நாள் காலை உற்சவத்தில் நாக வாகனத்தில் சந்திரசேகரரும், இரவு உற்சவத்தில் சிம்ம வாகனம், வெள்ளி அன்னவாகனங்களில் பஞ்சமூர்த்திகளும் பவனி வருகின்றனர். வரும் 30ம் தேதி நான்காம் நாள் உற்சவத்தில், காலை நாக வாகனத்தில் சந்திரசேகரரும், இரவு வெள்ளி கற்பக விருட்ச வாகனத்தில் அண்ணாமலையாரும் பவனி வருகின்றனர்.அடுத்த மாதம் 1ம் தேதி ஐந்தாம் நாள் காலை உற்வசத்தில் கண்ணாடி ரிஷப வாகனத்தில் சந்திரசேகரரும், இரவு உற்சவத்தில் பெரிய ரிஷப வாகனத்தில் அண்ணாமலையாரும் பவனி வருகின்றனர்.

அதைத்தொடர்ந்து, 2ம் தேதி 6ம் நாள் காலை உற்வசத்தில் வெள்ளி யானை வாகனத்தில் சந்திரசேகரரும், இரவு உற்சவத்தில் வெள்ளித் தேரோட்டமும் நடைபெறும். வரும் 3ம் தேதி ஏழாம் நாள் உற்சவத்தில் மகா தேரோட்டம் நடைபெறும். வரும் 6ம் தேதி அதிகாலை 4 மணிக்கு அண்ணாமலையார் கோயிலில் பரணி தீபமும், அன்று மாலை 6 மணிக்கு 2,668 அடி உயரமுள்ள அண்ணாமலை உச்சியில் மகா தீபமும் ஏற்றப்படும்.

* விவசாயிகளே! இந்த முறை ₹2000 பெற ஆதார் எண் கட்டாயம் இணைக்கனும்…! எளிமையாக இணைக்க இதோ வழி…

தமிழ்நாட்டில் “பிரதம மந்திரி கிஸான் சம்மான் நிதி’’ திட்டமானது பிப்ரவரி 2019 ஆம் ஆண்டு முதல் செயல்படுத்தப்பட்டு வருகிறது. இத்திட்டத்தின் மூலம், சொந்தமாக விவசாய நிலம் வைத்திருக்கும் விவசாயக் குடும்பங்களுக்கு உதவித் தொகையாக நான்கு மாதத்திற்கு ஒருமுறை ரூ.2000/- வீதம் ஆண்டிற்கு ரூ.6,000/- மூன்று தவணைகளில், விவசாயிகளின் வங்கிக் கணக்கில் நேரடிப் பணப்பரிமாற்றம் மூலமாக மத்திய அரசினால் வழங்கப்பட்டு வருகிறது.

தொடர்ந்து பயன்பெறுவதற்கு ஆதார் எண் உறுதி அவசியம்

நடப்பாண்டில், 13-வது தவணையாக, அதாவது 2022, டிசம்பர் முதல் 2023 மார்ச் முடிய உள்ள காலத்திற்கான தவணைத் தொகை பி.எம்.கிசான் இணையதளத்தில் தங்களது ஆதார் எண்ணை உறுதி செய்த பயனாளிகளுக்கு மட்டுமே வழங்கப்படும் என மத்திய அரசு உறுதியாக தெரிவித்துள்ளது.

எவ்வாறு ஆதார் எண்ணை உறுதி செய்வது?

பயனாளிகள் பொது சேவை மையம் மூலமாகவோ அல்லது தங்களது கைபேசி மூலமாகவோ, தாங்களாகவே ஆதார் எண்ணை கீழ்க்காணும் முறைகளில் உறுதிசெய்து கொள்ளலாம்.

1. உங்களுக்கு அருகில் உள்ள பொது சேவை மையத்திற்கு சென்று, தனது பெயரை பி.எம்.கிசான் இனைய தளத்தில் e-KYC செய்ய வேண்டுமென்று கோரும் நிலையில்

i. ஆதார் எண்ணுடன் இணைக்கப்பட்டுள்ள கைபேசி எண்ணிற்கு வரும் ஒரு முறை கடவுச்சொல்லை (One Time Password) பி.எம்.கிசான் இணையதளத்தில் பதிவு செய்து உறுதி செய்யலாம் அல்லது

ii. பொது சேவை மையத்தில் உள்ள கருவியில் பயனாளிகள் தங்கள் விரல் ரேகையை வைத்து பி.எம்.கிசான் இணையதளத்தில் ஆதார் எண்ணை உறுதி செய்யலாம்.

2. உங்களது கைபேசியில் உள்ள இணையதள வசதியை பயன்படுத்தி, http://pmkisan.gov.in எனும் இணையதளத்தில் சென்று ஆதார் e-KYC எனும் பக்கத்திற்குச் சென்று ஆதார் எண்ணை உறுதி செய்யலாம்..

இது தொடர்பாக கூடுதல் விவரம் ஏதும் அறிய விரும்பினால், உங்கள் வட்டார வேளாண்மை அல்லது தோட்டக்கலைத் துறை அலுவலகத்தை தொடர்பு கொள்ளலாம்.