ஆந்திராவில் வன்னியர்களுக்கு 6%தனி இட ஒதுக்கீடு வழங்க வேண்டும்! – ஆந்திர முதல்வர் சந்திரபாபு நாயுடுவுக்கு -பாமக தலைவர் அன்புமணி இராமதாஸ் கடிதம்

ஆந்திர மாநிலத்தில் கல்வியிலும், வேலைவாய்ப்பிலும் மிகவும் பின்தங்கிய நிலையில் உள்ள வன்னியகுல சத்திரியர்கள், அக்கினிகுல சத்திரியர்கள் சமூகங்களுக்கு 6% தனி இட ஒதுக்கீடு வழங்க வேண்டும் என்று பாட்டாளி மக்கள் கட்சியின் தலைவர் மருத்துவர் அன்புமணி இராமதாஸ் வலியுறுத்தியுள்ளார். இது தொடர்பாக ஆந்திர முதலமைச்சர் சந்திரபாபு நாயுடு அவர்களுக்கு அவர் கடிதம் எழுதியுள்ளார். அதன் விவரம்:

(தமிழ் மொழியாக்கம்:)

அன்புள்ள ஆந்திர முதலமைச்சர் நாரா. சந்திரபாபு நாயுடு அவர்களுக்கு வணக்கம்!

ஆந்திர பிரதேச முதலமைச்சராக நான்காம் முறையாக பொறுப்பேற்று தொழில் வளர்ச்சி, சமூகநீதி என அனைத்துத் துறைகளிலும் நல்லாட்சி செய்து வரும் தங்களுக்கு எனது வாழ்த்துகளைத் தெரிவித்துக் கொள்கிறேன். ஆந்திரப் பிரதேசத்தில் கணிசமாக வாழும் வன்னியகுல சத்திரியர்கள், அக்கினிகுல சத்திரியர்களுக்கு சமூகநீதி வழங்குவது குறித்து உங்களின் கவனத்தை ஈர்ப்பதற்காக இந்தக் கடிதத்தை எழுதுகிறேன்.

ஆந்திரப் பிரதேசத்தில் கணிசமான மக்கள்தொகை கொண்ட சமூகங்களில் வன்னியகுல சத்திரியர்கள், அக்கினிகுல சத்திரியர்கள் குறிப்பிடத்தக்கவர்கள். இந்த இரு சமூகப் பிரிவுகளில் அக்கினிகுல சத்திரியர்கள், பள்ளிரெட்டி, பள்ளி, பட்டாப்பு, பள்ளிக்காப்பு, பெஸ்தா, கங்காவர், கங்காபுத்ரா, கூண்ட்லா, வன்னியகுல சத்திரியர்கள், வன்னியரெட்டி, நெய்யாலா, ஜலரி, வடபலிஜா, வன்னிக் காப்பு ஆகிய 15 துணைப் பிரிவுகள் உள்ளன. கல்வி மற்றும் வேலைவாய்ப்புகளைப் பொறுத்தவரை வன்னியர்களும், அவர்களின் துணைப் பிரிவினரும் மிகவும் பின்தங்கிய நிலையில் உள்ளனர். அதற்கான முதன்மைக் காரணம் அவர்கள் இடம்பெற்றுள்ள இட ஒதுக்கீட்டுப் பிரிவில் உள்ள பிற சமூகங்களுடன் போட்டியிட முடியாதது தான்.

இட ஒதுக்கீட்டின் பயன்கள் அனைவருக்கும் கிடைக்க வேண்டும் என்பதில் தங்களின் அரசு அதிக அக்கறை கொண்டிருக்கிறது. அதனால் தான், ஆந்திரத்தில் பிற்படுத்தப்பட்ட வகுப்பினருக்கான 29% இட ஒதுக்கீடு ஏ, பி. சி, டி, இ என 5 பிரிவுகளாக பிரிக்கப்பட்டு, அவற்றுக்கு முறையே 7%, 10%, 1%, 7%, 4% இட ஒதுக்கீடு வழங்கப்பட்டு வருகிறது. இந்த ஏற்பாடு ஒப்பீட்டளவில் சரியானது தான்.

ஆனால், இந்த வகைப்பாடுகளுக்குள் சில ஏற்றத்தாழ்வுகள் இருப்பது கண்கூடாகத் தெரிகிறது. வன்னியர்கள் உள்ளிட்ட அவர்களின் 15 துணைப்பிரிவுகளும் பிற்படுத்தப்பட்ட வகுப்பின் முதல் இட ஒதுக்கீட்டுப் பிரிவான பி.சி (ஏ)வில் இடம் பெற்றுள்ளன. இப்பிரிவில் மொத்தம் 54 சாதிகள் உள்ளன. இந்த சமூகங்கள் அனைத்துக்கும் சேர்த்து 7% இட ஒதுக்கீடு வழங்கப்படுகிறது. இந்தப் பிரிவில் உள்ள பல சாதிகள் சமூக நிலையிலும், கல்வி நிலையிலும் வன்னியர்களை விட முன்னேறிய நிலையில் உள்ளவை ஆகும். அதுமட்டுமின்றி, இந்தப் பிரிவில் உள்ள 54 சாதிகளில் கிட்டத்தட்ட 15 சாதிகள் பொதுப்பிரிவில் இருந்தும், பிற பிற்படுத்தப்பட்ட பிரிவுகளில் இருந்தும் சேர்க்கப்பட்டவை. அவர்களுடன் போட்டியிட்டு கல்வியிலும், வேலைவாய்ப்பிலும் வன்னியர்கள் முன்னேறுவது சாத்தியமற்றதாக உள்ளது.

இந்த நிலையை மாற்றி, கல்வியிலும், வேலைவாய்ப்பிலும் வன்னியர்களுக்கு உரிய பிரதிநிதித்துவம் கிடைக்க வேண்டும் என்றால், அதற்கான ஒரே தீர்வு வன்னியர்கள் மற்றும் துணைப் பிரிவுகளுக்கான தனி இட ஒதுக்கீட்டுப் பிரிவை ஏற்படுத்துவது தான். மொத்தம் 6.50 கோடி மக்கள்தொகை கொண்ட ஆந்திரத்தில் அக்கினிகுல சத்திரியர்கள், வன்னியர் குல சத்திரியர்கள் மற்றும் அவர்களின் துணைப் பிரிவுகளின் பங்கு 9.34% ஆகும். ஆனால், கல்வி மற்றும் அரசு வேலைவாய்ப்புகளில் வன்னியர்களுக்கு கிடைக்கும் பிரதிநிதித்துவம் இரு விழுக்காட்டுக்கும் குறைவாகவே இருப்பதாக கணக்கிடப்பட்டிருக்கிறது.

ஆந்திரத்தில் இப்போது நடைமுறையில் உள்ள இடஒதுக்கீட்டு விகிதங்கள் பல ஆண்டுகளுக்கு முன் வகுக்கப்பட்டது ஆகும். அதன்பின் ஆந்திரப் பிரதேசத்தில் இருந்து தெலுங்கானா தனி மாநிலமாக பிரிக்கப் பட்டு விட்டது. வன்னியர்கள் அடர்த்தியாக வாழும் பகுதிகள் ஆந்திரத்தில் நீடிப்பதால், ஆந்திர மக்கள்தொகையில் வன்னியர்கள் மற்றும் துணைப் பிரிவினரின் விகிதம் கணிசமாக அதிகரித்திருக்கிறது. அதற்கேற்ற வகையில் இட ஒதுக்கீட்டின் அளவையும் அதிகரிப்பது தான் மிகவும் சரியானதாக இருக்கும்.

எனவே, சாதிவாரி மக்கள்தொகை கணக்கெடுப்பு நடத்தி அதில் கிடைக்கும் தரவுகளின் அடிப்படையில் வன்னியர்கள் மற்றும் துணைப் பிரிவுகளை தனி இட ஒதுக்கீட்டுப் பிரிவாக அறிவிக்கவும், வன்னியர் உள்ளிட்ட 15 சமூகங்களுக்கும் சேர்த்து 6% தனி இட ஒதுக்கீடு வழங்கவும் நடவடிக்கை எடுக்க வேண்டும் என்று கேட்டுக் கொள்கிறேன். அவ்வாறு வழங்கினால் ஆந்திரப் பிரதேசத்தில் வாழும் வன்னிய குல சத்திரியர்கள், அக்கினிகுல சத்திரியர்கள் மற்றும் அச்சமூகங்களின் அனைத்துப் துணைப் பிரிவினரும் தங்களுக்கு நன்றியுடையவர்களாக இருப்பார்கள் என்பதையும் தெரிவித்துக் கொள்கிறேன்.

ஆந்திராவில் வன்னியர்களுக்கு 6%தனி இட ஒதுக்கீடு வழங்க வேண்டும்!” – ஆந்திர முதலமைச்சர் சந்திரபாபு நாயுடுவுக்கு மருத்துவர் அன்புமணி இராமதாஸ் கடிதம்

ஆந்திர மாநிலத்தில் கல்வியிலும், வேலைவாய்ப்பிலும் மிகவும் பின்தங்கிய நிலையில் உள்ள வன்னியகுல சத்திரியர்கள், அக்கினிகுல சத்திரியர்கள் சமூகங்களுக்கு 6% தனி இட ஒதுக்கீடு வழங்க வேண்டும் என்று பாட்டாளி மக்கள் கட்சியின் தலைவர் மருத்துவர் அன்புமணி இராமதாஸ் வலியுறுத்தியுள்ளார்.

இது தொடர்பாக ஆந்திர முதலமைச்சர் சந்திரபாபு நாயுடு அவர்களுக்கு அவர் கடிதம் எழுதியுள்ளார். அதன் விவரம்:

————–

(தமிழ் மொழியாக்கம்:)

அன்புள்ள ஆந்திர முதலமைச்சர் நாரா. சந்திரபாபு நாயுடு அவர்களுக்கு

வணக்கம்!

பொருள் : ஆந்திர மாநிலத்தில் கல்வியிலும், வேலைவாய்ப்பிலும் மிகவும் பின்தங்கிய நிலையில் உள்ள வன்னியகுல சத்திரியர்கள், அக்கினிகுல சத்திரியர்கள் சமூகங்களுக்கு 6% தனி இட ஒதுக்கீடு வழங்கக் கோருதல் & தொடர்பாக

ஆந்திர பிரதேச முதலமைச்சராக நான்காம் முறையாக பொறுப்பேற்று தொழில் வளர்ச்சி, சமூகநீதி என அனைத்துத் துறைகளிலும் நல்லாட்சி செய்து வரும் தங்களுக்கு எனது வாழ்த்துகளைத் தெரிவித்துக் கொள்கிறேன். ஆந்திரப் பிரதேசத்தில் கணிசமாக வாழும் வன்னியகுல சத்திரியர்கள், அக்கினிகுல சத்திரியர்களுக்கு சமூகநீதி வழங்குவது குறித்து உங்களின் கவனத்தை ஈர்ப்பதற்காக இந்தக் கடிதத்தை எழுதுகிறேன்.

ஆந்திரப் பிரதேசத்தில் கணிசமான மக்கள்தொகை கொண்ட சமூகங்களில் வன்னியகுல சத்திரியர்கள், அக்கினிகுல சத்திரியர்கள் குறிப்பிடத்தக்கவர்கள். இந்த இரு சமூகப் பிரிவுகளில் அக்கினிகுல சத்திரியர்கள், பள்ளிரெட்டி, பள்ளி, பட்டாப்பு, பள்ளிக்காப்பு, பெஸ்தா, கங்காவர், கங்காபுத்ரா, கூண்ட்லா, வன்னியகுல சத்திரியர்கள், வன்னியரெட்டி, நெய்யாலா, ஜலரி, வடபலிஜா, வன்னிக் காப்பு ஆகிய 15 துணைப் பிரிவுகள் உள்ளன. கல்வி மற்றும் வேலைவாய்ப்புகளைப் பொறுத்தவரை வன்னியர்களும், அவர்களின் துணைப் பிரிவினரும் மிகவும் பின்தங்கிய நிலையில் உள்ளனர். அதற்கான முதன்மைக் காரணம் அவர்கள் இடம்பெற்றுள்ள இட ஒதுக்கீட்டுப் பிரிவில் உள்ள பிற சமூகங்களுடன் போட்டியிட முடியாதது தான்.

இட ஒதுக்கீட்டின் பயன்கள் அனைவருக்கும் கிடைக்க வேண்டும் என்பதில் தங்களின் அரசு அதிக அக்கறை கொண்டிருக்கிறது. அதனால் தான், ஆந்திரத்தில் பிற்படுத்தப்பட்ட வகுப்பினருக்கான 29% இட ஒதுக்கீடு ஏ, பி. சி, டி, இ என 5 பிரிவுகளாக பிரிக்கப்பட்டு, அவற்றுக்கு முறையே 7%, 10%, 1%, 7%, 4% இட ஒதுக்கீடு வழங்கப்பட்டு வருகிறது. இந்த ஏற்பாடு ஒப்பீட்டளவில் சரியானது தான்.

ஆனால், இந்த வகைப்பாடுகளுக்குள் சில ஏற்றத்தாழ்வுகள் இருப்பது கண்கூடாகத் தெரிகிறது. வன்னியர்கள் உள்ளிட்ட அவர்களின் 15 துணைப்பிரிவுகளும் பிற்படுத்தப்பட்ட வகுப்பின் முதல் இட ஒதுக்கீட்டுப் பிரிவான பி.சி (ஏ)வில் இடம் பெற்றுள்ளன. இப்பிரிவில் மொத்தம் 54 சாதிகள் உள்ளன. இந்த சமூகங்கள் அனைத்துக்கும் சேர்த்து 7% இட ஒதுக்கீடு வழங்கப்படுகிறது. இந்தப் பிரிவில் உள்ள பல சாதிகள் சமூக நிலையிலும், கல்வி நிலையிலும் வன்னியர்களை விட முன்னேறிய நிலையில் உள்ளவை ஆகும். அதுமட்டுமின்றி, இந்தப் பிரிவில் உள்ள 54 சாதிகளில் கிட்டத்தட்ட 15 சாதிகள் பொதுப்பிரிவில் இருந்தும், பிற பிற்படுத்தப்பட்ட பிரிவுகளில் இருந்தும் சேர்க்கப்பட்டவை. அவர்களுடன் போட்டியிட்டு கல்வியிலும், வேலைவாய்ப்பிலும் வன்னியர்கள் முன்னேறுவது சாத்தியமற்றதாக உள்ளது.

இந்த நிலையை மாற்றி, கல்வியிலும், வேலைவாய்ப்பிலும் வன்னியர்களுக்கு உரிய பிரதிநிதித்துவம் கிடைக்க வேண்டும் என்றால், அதற்கான ஒரே தீர்வு வன்னியர்கள் மற்றும் துணைப் பிரிவுகளுக்கான தனி இட ஒதுக்கீட்டுப் பிரிவை ஏற்படுத்துவது தான். மொத்தம் 6.50 கோடி மக்கள்தொகை கொண்ட ஆந்திரத்தில் அக்கினிகுல சத்திரியர்கள், வன்னியர் குல சத்திரியர்கள் மற்றும் அவர்களின் துணைப் பிரிவுகளின் பங்கு 9.34% ஆகும். ஆனால், கல்வி மற்றும் அரசு வேலைவாய்ப்புகளில் வன்னியர்களுக்கு கிடைக்கும் பிரதிநிதித்துவம் இரு விழுக்காட்டுக்கும் குறைவாகவே இருப்பதாக கணக்கிடப்பட்டிருக்கிறது.

ஆந்திரத்தில் இப்போது நடைமுறையில் உள்ள இடஒதுக்கீட்டு விகிதங்கள் பல ஆண்டுகளுக்கு முன் வகுக்கப்பட்டது ஆகும். அதன்பின் ஆந்திரப் பிரதேசத்தில் இருந்து தெலுங்கானா தனி மாநிலமாக பிரிக்கப் பட்டு விட்டது. வன்னியர்கள் அடர்த்தியாக வாழும் பகுதிகள் ஆந்திரத்தில் நீடிப்பதால், ஆந்திர மக்கள்தொகையில் வன்னியர்கள் மற்றும் துணைப் பிரிவினரின் விகிதம் கணிசமாக அதிகரித்திருக்கிறது. அதற்கேற்ற வகையில் இட ஒதுக்கீட்டின் அளவையும் அதிகரிப்பது தான் மிகவும் சரியானதாக இருக்கும்.

எனவே, சாதிவாரி மக்கள்தொகை கணக்கெடுப்பு நடத்தி அதில் கிடைக்கும் தரவுகளின் அடிப்படையில் வன்னியர்கள் மற்றும் துணைப் பிரிவுகளை தனி இட ஒதுக்கீட்டுப் பிரிவாக அறிவிக்கவும், வன்னியர் உள்ளிட்ட 15 சமூகங்களுக்கும் சேர்த்து 6% தனி இட ஒதுக்கீடு வழங்கவும் நடவடிக்கை எடுக்க வேண்டும் என்று கேட்டுக் கொள்கிறேன். அவ்வாறு வழங்கினால் ஆந்திரப் பிரதேசத்தில் வாழும் வன்னிய குல சத்திரியர்கள், அக்கினிகுல சத்திரியர்கள் மற்றும் அச்சமூகங்களின் அனைத்துப் துணைப் பிரிவினரும் தங்களுக்கு நன்றியுடையவர்களாக இருப்பார்கள் என்பதையும் தெரிவித்துக் கொள்கிறேன்.

மிக்க நன்றி!

தங்கள் அன்புள்ள,

மருத்துவர் அன்புமணி இராமதாஸ்,

, பாட்டாளி மக்கள் கட்சி பாமக தலைவர்