பா.ம.க. இக்கட்டான சூழ்நிலையில் இல்லை, சூப்பராக இருக்கிறது. முனைவர் சவுமியா அன்புமணி பேச்சு

கடலூர் மாவட்டம் விருத்தாசலத்தில் 31/10/2025 அன்று நடந்த திருமண விழாவில், பசுமைத்தாயகம் மாநில தலைவர் முனைவர் சௌமியா அன்புமணி சிறப்பு அழைப்பாளராக கலந்து கொண்டு திருமணத்தை நடத்தி வைத்து மணமக்களை வாழ்த்தி பேசினார்.

அப்போது அவர் பேசுகையில், நான் பாரம்பரியமாகவே ஒரு அரசியல் குடும்பத்தில் இருந்து தான் வந்துள்ளேன். அரசியல் என்றாலே தேர்தல் வரும், கூட்டணி வரும். எவ்வளவு பிரச்சினைகள் வந்தாலும் அது குடும்பத்தில் எதிரொலிக்காமல் பார்த்துக் கொள்வோம். அதனால்தான் குடும்ப வாழ்க்கை எனக்கும், பாமக தலைவர் மருத்துவர் அன்புமணிக்கும் நன்றாக தெரியும். பாமக. இக்கட்டான சூழ்நிலையில் இல்லை. இப்பொழுதுதான் நன்றாக செயல்பட்டுக் கொண்டிருக்கிறது.

கட்சியின் தலைவர் மருத்துவர் அன்புமணி இராமதாஸ் நடை பயணமாக செல்லும் இடங்களில் எல்லாம் மக்கள் செல்வாக்கு கூடிக் கொண்டே இருக்கிறது மக்கள் கூட்டம் கூட்டமாக திரண்டு வருகிறார்கள். ஒற்றுமையாக இருக்க வேண்டும் என்பது எங்களுடைய நோக்கம். மனதில் உறுதியாக வைத்துக்கொண்டால் எப்படிப்பட்ட பிரச்சினைகளையும் சந்தித்து சாதித்துக் கொள்ளலாம் என்று அவர் பேசினார்.