🔴 ‘அதானி சந்திப்பு குறித்த ராமதாஸின் கேள்விக்கு பதிலளிக்க வேண்டிய அவசியம் இல்லை – முதல்வர் ஸ்டாலின்
🔴 ‘அதானி சந்திப்பு குறித்த ராமதாஸின் கேள்விக்கு பதிலளிக்க வேண்டிய அவசியம் இல்லை – முதல்வர் ஸ்டாலின்
“பாமக நிறுவனர் ராமதாஸுக்கு வேறு வேலையில்லை. அதனால், தினமும் ஏதாவது ஒரு அறிக்கை வெளியிட்டுக் கொண்டிருப்பார். அதற்கு எல்லாம் பதில் சொல்ல வேண்டிய அவசியமே இல்லை” என்று அதானியுடனான சந்திப்பு குறித்த ராமதாஸின் அறிக்கை தொடர்பான கேள்விக்கு தமிழக முதல்வர் மு.க.ஸ்டாலின் பதிலளித்துள்ளார்.
சென்னையில் செய்தியாளர்கள் எழுப்பிய கேள்விகளுக்கு முதல்வர் பதிலளித்தார். அப்போது, அதானி விவகாரம் குறித்த கேள்விக்கு, “அதானி விவகாரம் குறித்து துறையின் அமைச்சரே கூறியிருக்கிறார். அதை ட்விஸ்ட் செய்ய வேண்டாம்” என்றார்.
அதானி- முதல்வர் ஸ்டாலின் சந்திப்பு குறித்த ராமதாஸின் அறிக்கை தொடர்பான கேள்விக்கு, “பாமக நிறுவனர் ராமதாஸுக்கு வேறு வேலையில்லை. அதனால், தினமும் ஏதாவது ஒரு அறிக்கை வெளியிட்டுக் கொண்டிருப்பார். அதற்கெல்லாம் பதில் சொல்ல வேண்டிய அவசியமே இல்லை.” என்று முதல்வர் கூறினார்.
> • அக்னிப்புரட்சி வாட்ஸ்அப்!
https://whatsapp.com/channel/0029Va9bYNbAe5Vomu8a0d20
அதேபோல் குளிர்கால கூட்டத்தொடரில் திமுக எம்.பி.க்கள் எதை வலியுறுத்தி பேச இருக்கின்றனர்? என்ற கேள்விக்கு பதிலளித்த முதல்வர் ஸ்டாலின், “ஏற்கனவே நாங்கள், நாடாளுமன்ற உறுப்பினர்களை அழைத்து குளிர்கால கூட்டத்தொடரில் என்னென்ன பேச வேண்டும் என்பது குறித்து விவாதித்து, தீர்மானம் நிறைவேற்றியுள்ளோம் . அதை வலியுறுத்திப் பேச வேண்டும் என்று உத்தரவிட்டுள்ளேன். அந்த அடிப்படையில் நாடாளுமன்ற உறுப்பினர்கள் பேசுவார்கள்.” என்றார்.
