பூர்த்தி செய்த SIR படிவம் வழங்க கால அவகாசம் டிச.11 வரை நீட்டிப்பு
Deadline for submission of completed SIR form extended to Dec. 11
Category: முக்கிய செய்திகள்
Important News Tamil
Read More
தமிழகத்தை நெருங்கும் டிட்வா புயல் – நகரும் வேகமும் நிலவரமும்!
Cyclone Titva approaching Tamil Nadu – Moving speed and situation!
செங்கல்பட்டு, விழுப்புரம், கடலூர், மயிலாடுதுறைக்கு ரெட் அலர்ட்! ‘டித்வா’ புயல் மணிக்கு 90 கி.மீ வேகத்தில் சூறைக்காற்று வீசக்கூடும்.
Red alert for Chengalpattu, Villupuram, Cuddalore, Mayiladuthurai! Cyclone ‘Tithva’ may bring gusty winds of up to 90 kmph.
அக்னிப்புரட்சி இதழ் 12 ஆண்டு விழாவில் சிறந்த ஊடகவியலாளர் விருது பெற்றார் கள்ளக்குறிச்சி மாவட்ட செய்தியாளர்
அக்னிப்புரட்சி இதழ் 12 ஆண்டு விழாவில் சிறந்த ஊடகவியலாளர் விருது பெற்றார் கள்ளக்குறிச்சி மாவட்ட செய்தியாளர்
தமிழகத்தில் மிக கனமழை பெய்ய வாய்ப்புள்ள மாவட்டங்களுக்கு அரசு எச்சரிக்கை!
Government warns districts in Tamil Nadu likely to receive very heavy rain
மேலும் ஒரு காற்றழுத்த தாழ்வு பகுதி நவ.22-ல் உருவாக வாய்ப்பு: இந்திய வானிலை ஆய்வு மையம்
Another low pressure area is likely to form on November 22: India Meteorological Department
வானிலை முன்னறிவிப்பு: சென்னை உள்ளிட்ட 15 மாவட்டங்களில் நாளை கனமழைக்கு வாய்ப்பு
Weather forecast: Heavy rain likely in 15 districts including Chennai tomorrow
வங்கக் கடலில் புதிய காற்றழுத்த தாழ்வு பகுதி: தமிழகத்தில் 9 மாவட்டங்களில் கனமழை வாய்ப்பு!
New low pressure area in the Bay of Bengal: Heavy rain likely in 9 districts of Tamil Nadu!
அக்னிப்புரட்சி இன்றைய (17.102022) முக்கிய செய்திகள். * 24 ஆண்டுகளுக்குப் பிறகு இன்று நடைபெறுகின்றது காங்கிரஸ் தலைவர் தேர்தல். மல்லிகார்ஜுன கார்கே – சசி தரூர் இடையே கடும் போட்டி நிலவுவதால் களத்தில் பரபரப்பு. நாடு முழுவதும் பதிவாகும் வாக்குகள் அக்டோபர் 19-ம் தேதி எண்ணப்படும். * ஊழியர்களுக்கு கார், பைக் பரிசு; ஊழியர்களை குஷிப்படுத்திய கடை உரிமையாளர். தீபாவளி பரிசாக, ஊழியர்களுக்கு கார், பைக் அளித்துள்ளார் சென்னையில் உள்ள நகைக் கடை உரிமையாளர் ஜெயந்தி லால். என்னுடைய கடினமான நேரத்திலும் கூட அவர்கள் என்னுடன் இருந்துள்ளனர். 10 பேருக்கு கார், 20 பேருக்கு பைக் கொடுத்துள்ளேன்- ஜெயந்தி லால். * எம்.பி.பி.எஸ்., பி.டி.எஸ். படிப்புகளுக்கான தரவரிசைப் பட்டியல் இன்று வெளியீடு. அரசு ஒதுக்கீட்டு இடங்களுக்கு 22,643 பேரும், தனியார் நிர்வாக ஒதுக்கீடு இடங்களுக்கு 13,457 பேரும் என மொத்தம் என 36,100 பேர் விண்ணப்பித்துள்ள நிலையில், இவர்களுக்கான தரவரிசை பட்டியல் இன்று வெளியாகவுள்ளது. * இலங்கையில் ஏற்பட்டுள்ள பொருளாதார நெருக்கடி காரணமாக மேலும் 6 இலங்கை தமிழர்கள் அகதிகளாக தனுஷ்கோடிக்கு வருகை. இலங்கையில் இருந்து அகதிகளாக தமிழ்நாடு வந்தவர்களின் எண்ணிக்கை 181 ஆக உயர்வு. * சட்டப்பேரவை எதிர்க்கட்சித் துணைத் தலைவர், எம்.எல்.ஏக்களின் இருக்கைகளில் மாற்றம் செய்யப்படவில்லை. ஓ.பி.எஸ், வைத்திலிங்கம், மனோஜ் பாண்டியன் ஆகியோரது இருக்கைகள் மாற்றப்படவில்லை. எடப்பாடி பழனிசாமி தரப்பில் எதிர்க்கட்சி துணைத் தலைவராக ஆர்பி உதயகுமாரை அறிவிக்கக்கோரி சபாநாயகரிடம் கடிதம் அளிக்கப்பட்டது. * ஐப்பசி மாத பூஜைக்காக சபரிமலை ஐயப்பன் கோவில் நடை இன்று மாலை திறக்கப்படுகிறது. நாளை முதல் 22ஆம் தேதி வரை 5 நாட்கள் பக்தர்களுக்கு சுவாமி தரிசனம் செய்ய அனுமதி வழங்கப்படுகிறது. ஆன்லைன் முன்பதிவு அடிப்படையில் பக்தர்கள் தரிசனத்திற்கு அனுமதிக்கப்படுவார்கள். பக்தர்கள் வசதிக்காக நிலக்கல்லில் உடனடி முன்பதிவு ஏற்பாடுகளும் செய்யப்பட்டுள்ளன என்று தேவஸ்தானம் தெரிவித்துள்ளது. இதற்குபின் மண்டல பூஜைக்காக நவம்பர் 16ஆம் தேதி கோவில் நடை திறக்கப்படும். * நாடு முழுவதும் சுங்க கட்டணம் உயர்வு? அடுத்த ஆண்டு முதல் நாடு முழுவதும் தேசிய நெடுஞ்சாலையில் செல்லும் வாகனங்களுக்கு புதிய சுங்கக் கட்டண முறையை அமல்படுத்த மத்திய அரசு முடிவு செய்துள்ளது. இதன்படி, ஓவர்லோடு ஏற்றிவரும் கனரக வாகனங்களால் சாலைகளில் அதிக தேய்மானம் ஏற்படுவதால், கனரக வாகனங்களுக்கு கூடுதல் கட்டணம் விதிக்கப்படலாம் என்று கூறப்படுகிறது. மேலும் சாலையில் பயணிக்கும் நேரம் மற்றும் கடந்து வந்த தூரம் ஆகியவற்றின் அடிப்படையிலும் கட்டணம் வசூலிக்கப்படலாம். * 5 மாவட்டங்களுக்கு வெள்ள அபாய எச்சரிக்கை தேனி மாவட்டத்தில் பரவலாக மழை பெய்து வருவதால் 71 அடி உயரமுள்ள வைகை அணையின் நீர்மட்டம் 69 அடியாக உயர்ந்துள்ளது. அணைக்கு நீர்வரத்து விநாடிக்கு 2209 கன அடியாக இருப்பதால், மதுரை, தேனி, திண்டுக்கல், சிவகங்கை, ராமநாதபுரம் ஆகிய 5 மாவட்டங்களுக்கு வெள்ள அபாய எச்சரிக்கை விடுக்கப்பட்டுள்ளது. வைகை ஆற்றில் இறங்கவோ, குளிக்கவோ, கடக்கவோ, துணி துவைக்கவோ கூடாது. தாழ்வான பகுதிகளில் வசிப்பவர்கள் பாதுகாப்பான இடங்களுக்குச் செல்ல வேண்டும் என்று எச்சரித்துள்ளது. * அக்னிபத்: 11 வங்கிகளுடன் ஒப்பந்தம் அக்னிபத் திட்டத்தில் சேரும் இளைஞர்களுக்கான வங்கி சேவையை வழங்க 11 வங்கிகளுடன் இந்திய ராணுவம் புரிந்துணர்வு ஒப்பந்தம் போட்டுள்ளது. இத்திட்டத்தில் சேரும் வீரர்களுக்கான சம்பளம் மற்றும் சலுகைகள், தொழில் முனைவோர் திறன்களை ஊக்குவிக்கும் திட்டங்கள் ஆகியவை புரிந்துணர்வு போடப்பட்ட 11 வங்கிகளுடன் மேற்கொள்ள முடியும். அதன்படி, எஸ்பிஐ, பஞ்சாப் நேஷனல் வங்கி, பேங்க் ஆஃப் பரோடா, ஐடிபிஐ, ஐசிஐசிஐ, ஹெச்டிஎஃப்சி, ஆக்சிஸ் உள்பட 11 வங்கிகள் இந்த பட்டியலில் உள்ளன. * அதிமுக 51வது ஆண்டு தொடக்க விழா: சென்னை ராயப்பேட்டையில் உள்ள அதிமுகவின் தலைமை அலுவலகத்தில் எம்ஜிஆர் மற்றும் ஜெயலலிதா திருவுருவ சிலைக்கு மரியாதை செலுத்தினார் இடைக்கால பொதுச்செயலாளர் இபிஎஸ். சென்னை தி.நகரில் உள்ள எம்ஜிஆர் நினைவு இல்லத்தில் அதிமுக கொடியை ஏற்றி வைத்த பின், வெள்ளை புறாக்களை பறக்கவிட்டார் ஓபிஎஸ். * தமிழ்நாடு சட்டசபையின் மழைக்கால கூட்டத்தொடர் தொடங்கியது. எதிர்க்கட்சி துணைத் தலைவர் இருக்கையில் அமர்ந்தார் ஓபிஎஸ். சட்டப்பேரவையின் முதல் நாள் நிகழ்வில் இபிஎஸ் தலைமையிலான அதிமுக பங்கேற்கவில்லை. அதிமுக கொறடா எஸ்.பி.வேலுமணி அலுவல் ஆய்வுக்குழு கூட்டத்தில் மட்டும் பங்கேற்பு. சபாநாயகர் முடிவை அறிந்த பின் கூட்டத்தொடரில் பங்கேற்பதா? புறக்கணிப்பதா? என முடிவு செய்யப்படும் என தகவல். * சட்டப்பேரவை கூட்டத்தொடர்: எலிசபெத் ராணி, உபி முன்னாள் முதல்வர் முலாயம் சிங் யாதவ், அஞ்சலை பொன்னுசாமி, சிபிஎம் மூத்த தலைவர் கொடியேறி பாலகிருஷ்ணன், முன்னாள் சபாநாயகர் சேடப்பட்டி முத்தையா உள்ளிட்ட தலைவர்கள் மறைவுக்கும் இரங்கல். முன்னாள் உறுப்பினர் தர்மலிங்கம், கோவை தங்கம், ஹக்கீம், அமீது இப்ராகிம், வீரப்பன், ராஜா, பச்சையப்பன், புருஷோத்தமன், ஜனார்த்தனன், திருவேங்கடம் உள்ளிட்டோருக்கு சட்டப்பேரவையில் இரங்கல் குறிப்பு வாசிக்கப்பட்டது. தமிழ்நாடு சட்டப்பேரவை கூட்டத்தொடர் வரும் 20 ஆம் தேதி வரை நடைபெறும் என அறிவிப்பு. நாளை மறுநாள் வரை தமிழ்நாடு சட்டப்பேரவை கூட்டத்தொடர் நடைபெறும் என அலுவல் ஆய்வுக்கூட்டத்தில் முடிவு. * சென்னை தீவுத்திடலில் பட்டாசு விற்பனை இன்று முதல் தொடக்கம்: 25% தள்ளுபடியில் வழங்குவதாக வியாபாரிகள் அறிவிப்பு சென்னை தீவுத்திடலில் பட்டாசு விற்பனை இன்று முதல் தொடங்கஉள்ளது. 21-ம் தேதி வரை 25 சதவீத தள்ளுபடியில் பட்டாசுகள் விற்கப்பட உள்ளன. சென்னை தீவுத்திடலில் தீபாவளி பண்டிகையை முன்னிட்டு சிறப்பு பட்டாசு விற்பனை இன்று முதல் தொடங்க உள்ளது. இந்தபட்டாசு விற்பனையை அமைச்சர்கள் சேகர்பாபு, மதிவேந்தன் ஆகியோர் தொடங்கி வைக்க உள்ளனர். இதையொட்டி, பட்டாசு விற்பனையாளர்கள் சங்கம் சார்பில் பத்திரிக்கையாளர் சந்திப்பு சென்னை தீவுத்திடலில் நடைபெற்றது. அப்போது பட்டாசு விற்பனையாளர்கள் சங்க ஒருங்கிணைப்பாளர் பீர் அனீஷ் கூறியதாவது: தீவுத்திடலில் எந்த கடையில் பட்டாசுகள் வாங்கினாலும் ஒரே விலையில் தான் விற்கப்படும். சிவகாசியில் உள்ள 10 முதல் 20 முன்னணி நிறுவனங்கள் இங்கு ஸ்டால் அமைத்து உள்ளன. தீபாவளி பண்டிகைக்கு முன்கூட்டியே அக்.21-ம் தேதிக்குள் பட்டாசு வாங்க வருபவர்களுக்கு பட்டாசு விலையில் இருந்து 25 சதவீத தள்ளுபடி வழங்கப்படும். கடைசி நேரத்தில் பட்டாசு வாங்க வருபவர்களுக்கு தள்ளுபடி இருக்காது. JOIN US: https://t.me/Agnipuratchi1 இந்த ஆண்டு 30 சதவீதம் மட்டுமே பட்டாசு உற்பத்தி இருந்ததால், தீவுத்திடலில் 55 கடைகள் இருக்க வேண்டிய இடத்தில் 47 கடைகள் தான் போடப்பட்டுள்ளன. பொதுமக்கள் ஆன்லைனில் பட்டாசு வாங்க வேண்டாம் என தமிழக அரசு அறிவுறுத்தி உள்ளது. அதேபோல், பில் போடாமல் பட்டாசுகளை பொதுமக்கள் வாங்க வேண்டாம். கடைகளில் பில் போட்டுவாங்கும் பட்டாசுகள் மட்டுமே தரமானதாக இருக்கும். தீவுத்திடலில், சிறப்பு பட்டாசு விற்பனையை முன்னிட்டு, கண்காணிப்பு கேமரா, உணவகங்கள், கார் பார்க்கிங் வசதிகள் போன்றவை ஏற்பாடு செய்யப்பட்டுள்ளன. அதேபோல், டெபிட் கார்டு, கிரெடிட் கார்டு உட்பட ஆன்லைன் மூலம் பணம்செலுத்தும் வசதியும் ஏற்பாடு செய்யப்பட்டுள்ளது. கட்டாயம் ஜிஎஸ்டி வரியுடன் தான் பட்டாசுகள் விற்பனை செய்யப்படும். தமிழகத்தில் சீன பட்டாசுகள் கிடையாது. இவ்வாறு அவர் கூறினார். * சட்டப்பேரவையில், நாளை இந்தி எதிர்ப்பு போராட்டத்திற்கான அறிக்கை தாக்கல் செய்யப்படும் – சபாநாயகர் அப்பாவு. ஜெ. மரணம் தொடர்பான ஆறுமுகசாமி ஆணையத்தின் அறிக்கை, தூத்துக்குடி துப்பாக்கிச்சூடு சம்பவம் தொடர்பான அறிக்கையும் நாளை தாக்கல் செய்யப்படும். பேரவையில் அதிமுகவினர் அளித்த கடிதங்கள் தொடர்பாக கேள்வி எழுப்பினால் உரிய பதில் அளிக்கப்படும் – சபாநாயகர் அப்பாவு. * வன்னியர்களுக்கு 10.5% உள்ஒதுக்கீடு வழங்கிய முடிவை எதிர்த்து தொடரப்பட்ட ரிட் மனு திரும்பபெறப்பட்டது: ரிட் மனுக்களின் கோரிக்கை காலாவதி ஆகிவிட்டதால் மனுவை வாபஸ் பெறுவதாக மனுதாரர் அறிவித்ததை தொடர்ந்து வழக்கை தள்ளுபடி செய்தது உச்சநீதிமன்றம் * இந்திய குடியுரிமை வேண்டி வழக்கு தொடுத்த விவகாரம்: மனுதாரரின் பெற்றோர் இலங்கையை சேர்ந்தவர்கள்; ஆனால் மனுதாரர் இந்தியாவில் பிறந்துள்ளார். அவர் இலங்கை குடிமகளாகவும் இல்லை; மனுதாரரின் கோரிக்கையை ஏற்காவிட்டால் சரியானதாக இருக்காது. குடியுரிமை திருத்த சட்டத்தில் இலங்கை இல்லை; அவர்களுக்கும் குடியுரிமை வழங்குவதற்கான சமமான சாத்திய கூறுகள் உள்ளது. மத்திய உள்துறை செயலாளர் மனு குறித்து 16 வாரங்களில் சட்டத்திற்கு உட்பட்டு பரிசீலனை செய்ய வேண்டும்-உயர்நீதிமன்ற மதுரை கிளை. * கன்னியாகுமரியில் பள்ளி மாணவனுக்கு திராவகம் கலந்த குளிர்பானம் கொடுத்த விவகாரம். 2 சிறுநீரகங்களும் செயலிழந்து மருத்துவமனையில் சிகிச்சை பெற்று வந்த 11 வயது சிறுவன் உயிரிழப்பு. * நீதிமன்ற அவமதிப்பு வழக்கில் இந்து சமய அறநிலையத் துறை ஆணையருக்கு 1 லட்சம் ரூபாய் அபராதம் விதித்த தனி நீதிபதியின் உத்தரவு ரத்து. கோயில் சொத்து வாடகை வசூலிக்க நடவடிக்கை எடுக்காதது தொடர்பான வழக்கில், தனி நீதிபதி விதித்த அபராதத்தை எதிர்த்து ஆணையர் மேல்முறையீடு செய்திருந்தார். * டி20 உலகக் கோப்பை : முதல் சுற்று ஆட்டத்தின் 3வது போட்டியில் மேற்கிந்தியத் தீவுகளை வீழ்த்தியது ஸ்காட்லாந்து. முதலில் ஆடிய ஸ்காட்லாந்து 5 விக்கெட் இழப்புக்கு 160 ரன்கள் சேர்ப்பு. அடுத்து ஆடிய மேற்கிந்தியத் தீவுகள் 18.3 ஓவரில் 118 ரன்னுக்கு ஆல் அவுட். * உச்ச நீதிமன்றத்தின் அடுத்த தலைமை நீதிபதியாக சந்திரசூட்டை நியமிக்க குடியரசு தலைவர் ஒப்புதல்: 50வது தலைமை நீதிபதியாக நீதிபதி டி.ஒய். சந்திரசூட் அடுத்த மாதம் பதவியேற்கவுள்ளார்.
அக்னிப்புரட்சி இன்றைய (17.102022) முக்கிய செய்திகள். * 24 ஆண்டுகளுக்குப் பிறகு இன்று நடைபெறுகின்றது காங்கிரஸ் தலைவர் தேர்தல். மல்லிகார்ஜுன கார்கே – சசி தரூர் இடையே கடும் போட்டி நிலவுவதால் களத்தில் பரபரப்பு. நாடு முழுவதும் பதிவாகும் வாக்குகள் அக்டோபர் 19-ம் தேதி எண்ணப்படும். * ஊழியர்களுக்கு கார், பைக் பரிசு; ஊழியர்களை குஷிப்படுத்திய கடை உரிமையாளர். தீபாவளி பரிசாக, ஊழியர்களுக்கு கார், பைக் அளித்துள்ளார் சென்னையில் உள்ள நகைக் கடை உரிமையாளர் ஜெயந்தி லால்….
